首先收視一向係tvb自已公佈,而google睇番hk01一向都有報導(google keyword「收視滯後報告」),不過呢到就發現第一樣奇怪位。

TVB一向只公佈自已收視,而且係跨平台收視(電視盒加一星期網上live/重溫),但睇番hk01報導,呢個報告只去到5月9日就停左

然後到5月24日就突然出左份3台收視報告,而且只計電視盒(佢亦無其他兩台網上收視資料),所以5月9至5月23日就係完全無公佈過任何收視。中間既兩星期,正正係error自肥企劃播放既日子,不過照計個error受眾係小眾d,仲要係成人節目,理論上tvb收視唔太受影響。

反而係突然轉為公佈3台收視,仲要係自肥(網絡宣傳聲勢係強)之後出,重點似乎係想比廣告商睇到佢仲係大台,始終呢d收視報告比觀眾睇無乜用,至多拎黎嘈兩餐,講到尾廣告商先係金主。

然後講講公佈左既電視盒收視,有一點比較有趣,就係viutv最高收視既竟然係發哥既「英雄本色3」4.7點,套野係星期六播,傳統上電視台假期收視會低d但佢係全星期最高,重要套野既前半個鐘係佢既一半收視都無,只有2.1點,即係好多人專登開電視/轉台係為左睇英雄本色。呢個幾有趣,套戲本身netflix同好多網絡平台已經有可以隨時任睇,但電視盒既觀眾最偏好佢。只可以講用電視盒既人睇黎始終都係年長既人多,ViuTV要係電視盒(觀眾年齡層比較大)上勝過tvb似乎係不太可能既事。

再看即使是近來網絡上很受歡迎的tvb「星夢傳奇」,其收視亦比聲勢沒那麼浩大的愛回家及東張西望為低。所以再一次證明網絡跟電視盒完全是兩個世界。