Speed dating 邊間公司好?口啤大比較!

香港人工作咁繁忙,連交友都無乜時間。於是Speed dating 逐漸成為香港不少男女的結識異性方法之一,但市面上大大話話幾十間Speed dating公司,究竟邊間最抵?而邊間又會比較適合你呢?MeetU搜集網民對於幾大Speed dating公司既意見,一次整合比大家睇,方便你地參考!

想知道speed dating既有咩模式同類型?各種模式的好處壞處?即睇各類型SPEED DATING 詳細介紹及比較
 

 

  1. 214 Dating –(http://214dating.com)

214算係香港歷史悠久既 Speed Dating 公司,除左有一般單對單配對,每星期都會有唔同既交友活動,例如下午茶約會、約會晚宴、PARTY、WORKSHOP形式Speed dating 等等。最特別係,214推出左全新活動現場配對系統,,活動後1小時內得知配對結果!有一點可以留意係,214既參加人士多為專業人士或持學位人士,所以參加者條件頗高。而且雖然每次都包場,但因為參加既人太多,都時講到喉嚨痛人地都聽唔到。係價錢方面,一般聚餐都係200-400元內不等,而亦有設有多人同行優惠。

 

  1. Onenonly – (http://www.onenonly.com.hk)

Onenonly 主打係「玩樂交友」方式去進行Speed Dating,透過遊戲輕鬆交友,成功引領業界開創先河。當中會包括到Board Game Matching,Game And Dinner Party同埋Running Man Dating。絕對適合怕羞既人士去參與,因為佢免除左一般單純飯局所面對既尷尬,遊戲識人輕鬆D,冇咁主動既人都多野講左。而Onenonly 除左年齡外,無制定到其他學歷要求。係價錢方面,一般都係200-300元內,而有部份Board Game Matching更加係唔洗錢就可以參與!

 

  1. Hong Kong Romance Dating – (http://www.hkrd.com.hk)

Hong Kong Romance Dating簡稱HKRD,有專業司儀既主持飯局。而多數參加者要求都係大學或以上,或者係專業人士,所以質素都有保證。場地都算係精選過,而且每次都有matching form 要比你填,唔驚你搵唔岩條件對象。但係價錢方面,大部份聚會都要360元以上。

 

  1. Speed Dating Fever – (http://sdfever.com.hk)

Speed Dating Fever(下稱Fever)既活動除左星期六日一定有之外,逢星期二、四都會有少人數既晚宴。個人認為嚴選既條件有點高,除左要根據年齡、學歷、生活習慣、職業,仲要睇外貌。難聽D講句,如果你樣衰小小,但係好有內涵,滿足哂其他條件,都無用…係價錢方面,一般聚餐都係200-400元內不等。

 

  1. Coffee machine Club – (https://www.coffeematching.com)

Coffee machine會舉行上百人既聚會,亦都會舉行小人聚會。當中有個叫Happy hour既活動都幾特別,每人入場時會拎到一張清單,而主持人會有特定既任務要你完成,所以都係幾岩比人打開話題用。Coffee machine既參加人士多為專業人士或持學位人士,所以參加者條件頗高。而另一要留意的地方係價錢,如果佢寫到明話會全包既派對,通常都較貴,大約600元左右。但一般參加費係唔包括食物費用,所以所有參加者最後都要夾返自己的餐費,場面都幾令人尷尬。

 

 

214 Dating Onenonly HKRD Fever Coffee machine Club
價錢 200-400元不等 200-300元內 360元以上 200-400元內不等 一般200-400元不等,部份要600元
活動場地 每次活動均會以包場形式 PARTY ROOM,酒店餐廳等 活動場地高雅,餐廳經過精挑細選 西餐廳、酒店或私人會所內舉辦 室內場地
參加者要求 多為專業人士或持學位人士 除年齡外,無其他學歷要求 多為專業人士或持學位人士 外貌、年齡、身高、職業及學歷等等 無特別要求
參加機制 會員制度 歡迎任何人士 抽樣核查參加者的學歷及年齡 會員制度 會員制度