4大必備交友App 推薦 2018

2018年交友方法唔再限於現實朋友,而家好多人透過App去識男朋友同女朋友。以前可能會去討論區或者Yahoo有緣人識異性朋友,但而家大部份人已經用App去識,不過交友App有咁多,人既時間又有限,點樣選擇好呢?我地就為你準備左4大交友App,無論你係玩家Player定認真尋找終身伴侶,喜歡本土抑或異國戀愛都可以搵到適合既App。

Tinder-全球人氣No.1 交友APP


無需解釋太多,即使你無玩過交友APP,亦會聽過Tinder呢個APP,早排仲因為請左對用app既男女去旅行上左幾日新聞。以下載數量計,Tinder係交友App中最高,所以相信你去到邊個國家,都可以搵到男朋友/ 女朋友作匹配。

玩法:

玩法好簡單,只要下載完再填簡單個人資料,Tinder就會因應你對性别、年齡層同距離既要求進行搜尋。
然後Tinder會俾一堆符合要求嘅用戶相片你睇,合心水就讚好,唔合就打交叉。除非對方用左課金功能”SuperLike”,如果唔係佢唔會知道你嘅選擇。
同時間對方都有機會對你讚好或者打交叉,如果配對到雙方都”讚好”既話就恭喜你,Tinder會俾你進一步同佢溝通認識大家。

香港用家意見:
1. Tinder d女有米/高學歷,唔係個個識到
2. Tinder用家睇樣多,但係互相讚好開通嘅功能設定好過其他APP
3. 用戶量多,真心玩或騙局嘅機會都多。互相讚好後才開通避免左好多”有心人”。

Skout- 香港人氣No.1交友App


如果問Tinder之外仲有咩出名交友App,一定數到Skout。Skout係由美國傳入香港既,因此呢個App嘅功能同交友方法都比較「鬼佬」。亦因為外國人比較開放既交友文化,Skout係香港都吸引左一班較開放既用戶,亦因為咁而超多香港人玩!

玩法:

下載完Skout後填簡單個人資料,然後Skout就會自動將你嘅資料送比適合嘅用戶睇。
不過同Tinder有d唔同既地方,就係只要你對對方有興趣,你已經可以直接開始發訊息比佢,省卻互相配對既過程。你亦可以好似facebook, instagram咁透過Live或留言發圖片吸引其他Skout玩家。

香港用家意見:
1. 呢個唔駛講啦都,出名多狗公,龍蛇混雜。
2. Skout APP食電無限制,成日都遇到推銷員
3. 用戶量多,容易接觸到心儀嘅對象應該係Skout嘅優點,對於要搵SP嘅朋友簡直係一流。
相反,正因為門檻太低及匹配數量高,用家會覺得Skout內嘅用家煩憂或唔珍貴,亦都好易比不法份子欺騙(美容/保險/倫敦金)。仲有仲有,好多in-APP廣告呀~~~~~

Coffee Meets Bagel- 認真玩家必備Apps


Coffee Meets Bagel係由3個韓國女人研發,都咪話唔犀利。亦因為係韓國人研發關係,佢既功能同交友方式都比較貼近亞洲人慣常交友既方式。Coffee Meets Bagel會經過較為嚴謹篩選先再作匹配,對於「寧缺勿襤」既認真玩家黎講簡直係必備交友App。

玩法:

下載完Coffee Meets Bagel後,佢需要你填比較詳細嘅個人資料(好認真的),儲存後個App會根據資料每日提供二十個配對用戶你。你每日只可以免費讚好其中一個,如果真係有額外心水既人,就要用入面嘅虛擬貨幣先得 。Beans可以透過邀請朋友或者真金白銀課金買番黎。

 

香港用家意見:

1. 呢個apps正常少少嘅女都非富則貴 Hku出身 外國回流 食餐飯都去酒店 影嘅相都係歐洲旅遊 巴打自問冇咩本錢既話 有女俾你r水吹已經超額完成
2. Coffee Meets Bagel主打的是中產職場人士。最大缺點係少選擇同付費原則,感覺上難找到合眼緣的異性。但優點係程式配對嚴謹,配對都較有質素。
3. APP喺香港都相當出名,一般大眾對Coffee Meets Bagel都偏向正面,亦表示入面嘅用家都相當高汁(男嘅大多數高學歷高質素,女嘅多靚女)。主因係APP嘅匹配流程適合保守嘅亞洲人,同時Coffee Meets Bagel比倒人一種認真及正面感覺,集合左一班認真尋真愛嘅用家。

Paktor- 亞洲異國戀必備App

雖然Paktor讀音即係廣東話既「拍拖」,不過Paktor呢個APP其實係由新加坡公司研發的,Paktor係台灣同東南亞都係No.1。所以如果你想識亞洲其他國家既男朋友或女朋友都可以用呢個。Paktor App既功能同Tinder可以話係一樣。用開Skout既你轉無難度!
玩法:

首先要用Facebook註冊帳號(用真定假ac就你諗你啦~),佢玩法同Tinder一樣,只要雙方都”讚好”對方就可以開始傾計進一步溝通。不過有少少唔同既就係,女仔可以利用佢既”WINK”功能,直接發訊息給男方,而男仔則可以透過送禮物吸引女方。

香港用家意見:

1. Paktor 外國人多, 越南 泰國 馬拉 台灣都有,比較少香港人用又少d sales
2. Paktor 以匿名狀態下運行,操作起來會比較安心,加上和臉書綁定(但保有隱私)的功能,減低不肖的愛情騙子用免洗帳號來犯罪的機率,使用起來多一層心理上的保障。
3. 試用APP時的確東南亞嘅對象比其他APP多,如果希望認識其他國藉嘅話,相信係不二之選。